Kyunki Dard Mujhe Bhi..........

Kisi ki yaad barbas chali aati hai...
muskaan uski ab bhi dil ko behlaati hai..
par behten hain ashruu mere aaj bhi...
Kyunki dard mujhe bhi hota hai!!!!!

Chhuaa tha dil ko usne bade kareeb se..
ho gaya tha dil ka dhani main bilkul gareeb se....
par ab to sirf tadap reh gayee hai baanki...
Kyunki dard mujhe bhi hota hai!!!

Ho gaye hain dhumil ab woh saare kisse...
kho gaye mere dil ke na jaane kitne hisse...
aur chubhte hai yeh tukde aur nikalti hai ek aah....
Kyunki dard mujhe bhi hota hai!!!

Kho gayee na jaane kahan woh iss sansaar me...
ho gayee hai aankhen patthar uske intezaar me...
fir bhi rota hoon, chillata hoon, karaahta hoon.....
Kyunki dard mujhe bhi hota hai!!!!!